ಇಷ್ಟಾರ್ಥ

ಇಲ್ಲಿ ಪದಗಳಿಗಿರುವ ಸಮಾನಾರ್ಥಕ ಪದಗಳಿಗಿಂತ ಭಾವಾರ್ಥವೇ ಪ್ರಧಾನ. ಪ್ರತೀ ಪದಗಳು ನಿಮ್ಮ ಮನಸ್ಸಿನಲ್ಲಿ ಮೂಡಿಸುವ ಭಾವನೆಗಳು ಇಲ್ಲಿ ಅಕ್ಷರಗಳ ರೂಪದಲ್ಲಿ ಹೊರಹೊಮ್ಮಲಿವೆ. ಪ್ರತಿ ಪದವನ್ನು ಕೇಳಿದಾಗ ಒಡಮೂಡುವ ಭಾವ ಬೇರೆ ಬೇರೆಯವರಲ್ಲಿ ಬೇರೆ ಬೇರೆಯದಿರಬಹುದು. ಉದಾಹರಣೆಗೆ "ಸುಖ" ಎಂಬ ಪದವನ್ನೇ ತೆಗೆದುಕೊಂಡರೆ,

"ಸುಖ" ಎಂಬ ಪದಕ್ಕೆ ಸಮಾನಾರ್ಥಕ ಪದಗಳು ಸಂತೋಷ, ಆನಂದ ಮೊದಲಾದವುಗಳಿರಬಹುದು.

ಆದರೆ "ಸುಖ" ಪದದ ಭಾವಾರ್ಥಗಳು....
ಒಬ್ಬನಿಗೆ ಸುಖ ಎಂದರೆ ಸಂಗೀತ ಕೇಳುವದಿರಬಹುದು,
ಇನ್ನೊಬ್ಬನಿಗೆ ಸುಖ ಎಂದರೆ ಬೆಂಗಳೂರಿನಲ್ಲಿ ಸ್ವಂತ ಮನೆಯಿರುವದು ಎಂದಿರಬಹುದು,
ಇನ್ನೊಬ್ಬಳಿಗೆ ಸುಖ ಎಂದರೆ ಅಕ್ಕ ಪಕ್ಕದ ಮನೆಯವರಿಗಿಂತ ಹೆಚ್ಚಿನ ಚಿನ್ನ ಹೊಂದಿರಬೇಕು ಎಂದಿರಬಹುದು,
ಇನ್ನೊಬ್ಬಳಿಗೆ ಸುಖ ಎಂದರೆ ಗಾಸಿಪ್ ಸುದ್ದಿ ಕೇಳುವದಿರಬಹುದು,
ಇನ್ನೊಬ್ಬನಿಗೆ ಸುಖ ಎಂದರೆ ಸಿಗರೇಟ್ ಸೇದುವದಿರಬಹುದು.

ಇಲ್ಲಿ ಯಾವುದು ಸರಿ, ಯಾವುದು ತಪ್ಪು ಎನ್ನುವದಕ್ಕಿಂತ ಸುಖ ಎಂಬ ಪದವನ್ನು ಕೇಳಿದವರಿಗೆ ನೂರಾರು ಜನಕ್ಕೆ ನೂರಾರು ವಿಭಿನ್ನ ಭಾವಗಳು ಒಡಮೂಡುತ್ತವೆ ಎಂಬುದೇ ಸತ್ಯ. ಅದೇ ರೀತಿ ಪ್ರತಿಯೊಬ್ಬರ ಭಾವನೆಗಳನ್ನೂ ಮೆಚ್ಚುವ ಸಮಾನ ಮನಸ್ಕರು ಇದ್ದೇ ಇದ್ದಾರೆ ಎಂಬುದೂ ಸತ್ಯ.
ನಿಮ್ಮ ಭಾವನೆಗಳಿಗೆ ಜನರು ತಮ್ಮ ಸ್ಪಂದನೆಯನ್ನು ವೋಟುಗಳ ಮೂಲಕ ನೀಡಲಿದ್ದಾರೆ.
ಜನರಿಂದ ಜನರಿಗಾಗಿ ಜನರಿಂದಲೇ ಸಿದ್ಧವಾಗುತ್ತಿರುವ ಕನ್ನಡ ಭಾವಾರ್ಥ ಪದಕೋಶ. ನಿಮಗನಿಸಿದ, ನಿಮ್ಮ ಮನಸ್ಸಿಗೆ ಇಷ್ಟವಾದ ಅರ್ಥಗಳಿಗೆ, ನಿಮ್ಮ ಮನಸ್ಸಿಗೆ ತಟ್ಟಂತ ಬರುವ ಅರ್ಥಗಳಿಗೆ ಸ್ವಾಗತ. ನಿಮ್ಮ ಮೆಚ್ಚಿನ ಇಷ್ಟಾರ್ಥ,ಭಾವಾರ್ಥ,ವ್ಯಂಗ್ಯಾರ್ಥ, ತುಂಟಾರ್ಥ ಅಥವಾ ಇಷ್ಟೇ ಅರ್ಥ ಸೇರಿಸಲು ಲಾಗಿನ್ ಆಗಿ ಅಥವಾ ರಜಿಸ್ಟರ್ ಮಾಡಿಕೊಳ್ಳಿ

ಈ ತಾಣದ ಕುರಿತಾದ ಭಾವಾರ್ಥ
ಇಷ್ಟಾರ್ಥ = ಇಷ್ಟೇ ಅರ್ಥ!
ಇಷ್ಟಾರ್ಥ = ಇಷ್ಟವಾದ ಅರ್ಥಗಳು

List of 10 different Kannada dictionaries available online

• ಕನ್ನಡ ಕನ್ನಡ ಪದಕೋಶಗಳು (Kannada to Kannada)
• ಕನ್ನಡ ಇಂಗ್ಲಿಷ್ ಪದಕೋಶಗಳು (Kannada to English)
• ಇಂಗ್ಲಿಷ್ ಕನ್ನಡ ಪದಕೋಶಗಳು (English to Kannada)